رواية التحول ( the Metamorphosis ) مترجمة

كانت عندي واحد الفكرة و كنت ديما كانشك فيها ولاكين منين قريت هاد كتاب زدت تاكدت بلي راها صحيحة ، هاد كتاب خلاني نفكر بزاف ،هاد الرواية صغيرة ولاكين المعنا ديالها جد عميق و بزآف ،  مهم ف هاد الرواية الاحدات كاتدور علا واحد الشاب لي كايكون معيش عائلة ديال 3 دناس الاب و الام و الاخت موكلهم و مشربهم و كلشي حتا واحد نهار كينوض كيلقا راسو تحول ل واحد حشرة عملاقة لي كانت عبارة عن صرصور او سراق زيت ، مهم من بعد ماكاتصدم العائلة كيلقاو راسهم خاصهم يقلبو علا عمل باش يوكلو راسهوم و حتا هو يعتانيو بيه ، لكن داك المظهر ديالو خلاهوم كايشمازو ليه و من بعد كاع داكشي لي دار علا ودهم و شحال عتنا بيهم كيولي كيجيهوم بحال عالة ، كيوليو كيفكرو كيفاش يتخلصو منو و محاملينوش و كايسمعهم و كايمشي كايموت ، العائلة ماكايتأترو ما والو كيكملو حياتهم بحال يلا ماواقع والو ، هو واحد كان معيش 3 و هما لي 3 ماقدروش يعيشو واحد ، مهم هاد لكتاب كيخليك كاتأمل و كاتفكر بزاف ليحقاش هادا هو الواقع ديال الانسان ، كيحكم علا المظاهر ، و يقدر ينكرك ف اي لحضة و هادشي كانعيشوه ديما ف المجتمع ديالنا ، و حتا فالعلاقات العائلية كاتولي كاتفكر واش هي مبنية علا الحب ولا غير المصلحة المتبادلة .
ديما كانفكر فالمجتمع ديالنا الناس ماكيحملوش حشرة الصرصور ولاكين ماعمرك فكرتي شنو دنب ديالو باش نقتلو ، هو اصلا خلاق هاكداك كون كانت فراشة ولا قطة و لا كلب كون راه كلشي كايلعب معاه ولاكين ليحقاش هاداك صرصور خاصو يموت ، هنا كاتستنتج باللي الانسان ف الطبع ديالو شرير و كايحكم علا المضاهر ، اصلا معمرني سمعت شي واحد مات بسباب سراق زيت ، هاديك الحشرة كاتبغي غير تخرج تكتاشف العالم ولاكين كايصدمها لوقع لي هو ديال الانسان واقع مافيهش الرحمة ، حتا منين كاتبغ تقتلو كايكون غير خايف و هربان و مع دالك كاتبقا تابعو حتا كاتقتلو بدون شفقة.
لي بغا الكتاب pdf 👇